17 ויבאו הרעים ויגרשׁום ויקם משׁה ויושׁען וישׁק את צאנם׃
Exodus 2:17 Cross References - HOT
Genesis 21:25
25 והוכח אברהם את אבימלך על אדות באר המים אשׁר גזלו עבדי אבימלך׃
Genesis 26:15-22
15 וכל הבארת אשׁר חפרו עבדי אביו בימי אברהם אביו סתמום פלשׁתים וימלאום עפר׃16 ויאמר אבימלך אל יצחק לך מעמנו כי עצמת ממנו מאד׃17 וילך משׁם יצחק ויחן בנחל גרר וישׁב שׁם׃18 וישׁב יצחק ויחפר את בארת המים אשׁר חפרו בימי אברהם אביו ויסתמום פלשׁתים אחרי מות אברהם ויקרא להן שׁמות כשׁמת אשׁר קרא להן אביו׃19 ויחפרו עבדי יצחק בנחל וימצאו שׁם באר מים חיים׃20 ויריבו רעי גרר עם רעי יצחק לאמר לנו המים ויקרא שׁם הבאר עשׂק כי התעשׂקו עמו׃21 ויחפרו באר אחרת ויריבו גם עליה ויקרא שׁמה שׂטנה׃22 ויעתק משׁם ויחפר באר אחרת ולא רבו עליה ויקרא שׁמה רחבות ויאמר כי עתה הרחיב יהוה לנו ופרינו בארץ׃
Genesis 29:10
10 ויהי כאשׁר ראה יעקב את רחל בת לבן אחי אמו ואת צאן לבן אחי אמו ויגשׁ יעקב ויגל את האבן מעל פי הבאר וישׁק את צאן לבן אחי אמו׃
Exodus 2:12
12 ויפן כה וכה וירא כי אין אישׁ ויך את המצרי ויטמנהו בחול׃