Wycliffe(i)
16 And he ledde watir out of the stoon; and he ledde forth watris as floodis.
17 And thei `leiden to yit to do synne ayens hym; thei excitiden hiye God in to ire, in a place with out water.
18 And thei temptiden God in her hertis; that thei axiden meetis to her lyues.
19 And thei spaken yuel of God; thei seiden, Whether God may make redi a bord in desert?
20 For he smoot a stoon, and watris flowiden; and streemys yeden out in aboundaunce. Whether also he may yyue breed; ether make redi a bord to his puple?