Wycliffe(i)
1 The title of the nyntenthe salm. To victorie, the salm of Dauid.
2 The Lord here thee in the dai of tribulacioun; the name of God of Jacob defende thee.
3 Sende he helpe to thee fro the hooli place; and fro Syon defende he thee.
4 Be he myndeful of al thi sacrifice; and thi brent sacrifice be maad fat.
5 Yyue he to thee aftir thin herte; and conferme he al thi counsel.
6 We schulen be glad in thin helthe; and we schulen be magnyfied in the name of oure God.