Psalms 101:3-8

Wycliffe(i) 3 Turne not awei thi face fro me; in what euere dai Y am troblid, bowe doun thin eere to me. In what euere day Y schal inwardli clepe thee; here thou me swiftli. 4 For my daies han failid as smoke; and my boonus han dried vp as critouns. 5 I am smytun as hei, and myn herte dried vp; for Y haue foryete to eete my breed. 6 Of the vois of my weilyng; my boon cleuede to my fleische. 7 I am maad lijk a pellican of wildirnesse; Y am maad as a niyt crowe in an hous. 8 I wakide; and Y am maad as a solitarie sparowe in the roof.