1 Thessalonians 3:7-10

Wycliffe(i) 7 therfor, britheren, we ben coumfortid in you, in al oure nede and tribulacioun, bi youre feith. 8 For now we lyuen, if ye stonden in the Lord. 9 For what doyng of thankingis moun we yelde to God for you, in al ioye, in which we ioyen for you bifor oure Lord? 10 nyyt and dai more plenteuousli preiynge, that we se youre face, and fulfille tho thingis that failen to youre feith.