Vulgate(i)
19 pontifex ergo interrogavit Iesum de discipulis suis et de doctrina eius
20 respondit ei Iesus ego palam locutus sum mundo ego semper docui in synagoga et in templo quo omnes Iudaei conveniunt et in occulto locutus sum nihil
21 quid me interrogas interroga eos qui audierunt quid locutus sum ipsis ecce hii sciunt quae dixerim ego
22 haec autem cum dixisset unus adsistens ministrorum dedit alapam Iesu dicens sic respondes pontifici
23 respondit ei Iesus si male locutus sum testimonium perhibe de malo si autem bene quid me caedis