HOT(i)
9 ומה חשׁחן ובני תורין ודכרין ואמרין לעלון לאלה שׁמיא חנטין מלח חמר ומשׁח כמאמר כהניא די בירושׁלם להוא מתיהב להם יום ביום די לא שׁלו׃ 10 די להון מהקרבין ניחוחין לאלה שׁמיא ומצלין לחיי מלכא ובנוהי׃ 11 ומני שׂים טעם די כל אנשׁ די יהשׁנא פתגמא דנה יתנסח אע מן ביתה וזקיף יתמחא עלהי וביתה נולו יתעבד על דנה׃ 12 ואלהא די שׁכן שׁמה תמה ימגר כל מלך ועם די ישׁלח ידה להשׁניה לחבלה בית אלהא דך די בירושׁלם אנה דריושׁ שׂמת טעם אספרנא יתעבד׃