2 Kings 6:8-12

HOT(i) 8 ומלך ארם היה נלחם בישׂראל ויועץ אל עבדיו לאמר אל מקום פלני אלמני תחנתי׃ 9 וישׁלח אישׁ האלהים אל מלך ישׂראל לאמר השׁמר מעבר המקום הזה כי שׁם ארם נחתים׃ 10 וישׁלח מלך ישׂראל אל המקום אשׁר אמר לו אישׁ האלהים והזהירה ונשׁמר שׁם לא אחת ולא שׁתים׃ 11 ויסער לב מלך ארם על הדבר הזה ויקרא אל עבדיו ויאמר אליהם הלוא תגידו לי מי משׁלנו אל מלך ישׂראל׃ 12 ויאמר אחד מעבדיו לוא אדני המלך כי אלישׁע הנביא אשׁר בישׂראל יגיד למלך ישׂראל את הדברים אשׁר תדבר בחדר משׁכבך׃